Vieiros

Na decimoquinta xornada da OK Liga de hóckei sobre patíns había catro equipos que xogaban máis do que un partido; xogaban un posto de seu para optar á Copa do Rei. Eran o Cemex Tenerife, o Caixa Penedés Vilafranca, o Lloret e mailo Coinasa-Liceo, da Coruña.

Aínda que sufriu dabondo, o Liceo gañoulle, na casa, aos cataláns do Llobregat por 2-1, e conseguiu ascender até o sétimo posto da clasificación, adxudicándose deste xeito, a última praza que dá acceso á Copa, que se ha de xogar en marzo en Igualada. A outra pasaxe para a Copa foi para o Tenerife, que lle gañou ao Blanes.

Ao tempo, o Barça atopaba en Igualada a súa primeira derrota, mais pecha a primeira volta da liga como líder destacado.