Vieiros

Catro persoas foron detidas esta quinta feira ao termo da manifestación que convocou Causa Galiza en contra da constitución española.

Aínda que polo momento se descoñecen os motivos, o feito podería estar relacionado coa queima dunha imaxe do xefe do Estado Español, o monarca Juan Carlos de Borbón, unha vez rematou o acto.

O avogado Guillermo Presas está a lles prestar os seus servizos aos detidos, catro mozos do Condado (S.M.R, C.M.I., C.P.N. e A.B.E.) de NÓS-UP, segundo informou esta organización, que están retidos na comisaría de Policía da rúa López Mora. Para as 18.00 horas está convocada unha concentración de protesta fronte a mesma.