Vieiros

Sen entrar a comparar a relevancia patrimonial e simbólica de acadar un acceso público a ambas, (non resiste comparanza), comparten a parella negativa dos propietarios a que os técnicos da Xunta relicen o inventario do que albergan no seu interior. A xustiza é a que determina finalmente no caso de Meirás. Acontecerá o mesmo en Rianxo?

Polo de agora o pleno do Concello acordou blindar os usos da casa como dotacional público. Ese será o único emprego que, de vendelo a familia propietaria, podería acadar. Un degrao máis na presión institucional, social e política para que os Baltar, apelido tan aprezado en Rianxo, acceda a facer desta vivenda o gran centro de peregrinaxe laica e cidadá do país. Seguro non ficaría galego de ben sen achegarse por esta Atenas de Arousa que é Rianxo e máis se se abrise esta casa ao público.