Vieiros

A partir de agora as persoas con enfermidades neoplásicas malignas, neurolóxicas inflamatorias e dexenerativas invalidantes, doenzas graves con causa hereditaria claramente definida, ou as que procuren confirmación de patoloxías raras poderán realizar a súa solicitude para obter unha segunda opinión ás xerencias da área sanitaria ou dirección provincial correspondente.

Será o propio paciente o que poida propoñer un facultativo ou facultativa da sanidade pública galega para que lle ofreza unha segunda opinión nos casos recollidos neste decreto. O médico escollido deberá emitir a súa opinión nun prazo máximo de 15 dias após da consulta.

A Xunta aprobou na quinta de mañá o decreto mediante o que a Consellería de Sanidade regula o dereito a unha segunda opinión médica, que se traducirá nunha segunda consulta médica que dará lugar a un informe facultativo emitido tras a solicitude previa.