Vieiros

No campo d'A Malata ferrolán vivíronse momentos de gran calidade deportiva. Entre eles, dende a federación destacan os 7,67 metros en lonxitude de Hilberto Ary e os 7,35 m. de Afonso Palomanes; os 52,29 m. no disco a cargo de Mercedes de Santaló, -segunda mellor marca galega sen contar os rexistros de Ángeles Barreiro-; os 21,69 ventosos de Javier Fidalgo no duplo hectómetros; a dupla vitoria de Víctor Rioboo, en 800 e 1500 m., e de Lida Casal (100 e 200 m.); as boas marcas en marcha feminina con Carmen Boné e Eva M. Igrexas e o gran nivel da xavelina con Dacal (70,06 m.); Fernández (68,06 m.) e Nogueira (64,81 m.), en disco con Brea (52,18 m.) e Galego (51,00 m.) e en martelo con Fernández (63,62 m.) e Vicente Landín (60,44 m.).

Até o de agora, as cousas están como segue no atletismo galego absoluto. Velaquí están os resultados oficiais das probas (listaxe en pdf), e aquí os nomes dos campións galegos absolutos de todos os tempos.

Olla tamén o vídeo dun momento no Campionato. É a segunda parte de tres, se queres ver as outras, podes facelo na web da Federación Galega de Atletismo.