Vieiros

Unha vez que os solicitantes reciban a súa documentación electoral por correo certificado e urxente, terán de límite até o próximo mércores 23 de maio para entregar o sobre co seu voto nas oficinas de correos. Os documentos son enviados a cada domicilio pola Oficina do Censo Electoral, despois de comprobar a inscrición no censo de cada un dos solicitantes.

Por provincias, en Pontevedra pediron votar por correo un total de 8.388 cidadáns; na Coruña foron 7.934 persoas; en Ourense 6.584 electores e en Lugo un total de 5.510 votantes. Non hai detalle de datos aínda ao respecto dos electores da emigración, malia que Correos avanza que a nivel estatal foron algo máis de 124 mil persoas as iniciaron os trámites coa intención de participar nos comicios.