Vieiros

Unha das principais promesas da coalición entre socialistas e nacionalistas en 2005 era a de superar as diferenzas económicas e de servizos entre a Galiza costeira e as comarcas do interior. O presidente Emilio Pérez Touriño anunciou este luns que o Goberno vai aprobar o Plan de Reequilibrio Territorial o vindeiro mes de maio. En total, destinarase algo máis de 1.400 millóns no período 2007-2013.

O proxecto quere diminuir a fenda que divide o país entre aquelas bisbarras máis desenvolvidas, incardinadas maioritariamente no Eixo Atlántico e as comarcas do interior, especialmente as das provincias de Lugo e de Ourense. Os principais esforzos centraranse na mellora de infraestruturas, novas tecnoloxías e servizos.