Vieiros

A CIG anunciou este luns que os traballadores das empresas auxiliares das minas de lignito de Meirama e As Pontes veñen de aprobar un calendario de mobilizacións que comezará o vindeiro día 28. Os operarios denuncian que non se lles está a buscar ningunha saída laboral para cando cese a actividade extractiva, que está prevista para finais deste mesmo ano.

Os traballadores critican especialmente a actitude do goberno central. Critican a actitude do goberno central pois aseguran que, a diferenza do que ocorre noutros puntos do Estado, non se contempla a posibilidade de recolocación dos obreiros nas empresas principais nin tampouco prexubilacións. Tamén censuran a actitude de Unión Fenosa, propietaria de Lignitos de Meirama, por “desentenderse duns traballadores que contribuíron durante todos estes anos á auxe da empresa”