Vieiros

O taller servirá como preparación de cara a unha mostra sobre arquitectura contemporánea en Galiza que se inaugurará no museo no mes de xuño. O equipo de Ecosistemaurbano está formado por Belinda Tato, José Luis Vallejo e Diego García Setién, arquitectos e enxeñeiros da Escola de Arquitectura de Madrid.

Levan recibido xa máis de vinte premios en concursos de ideas no ámbito internacional e son finalistas do premio europeo Arquitecto emerxente Mies Van Der Rohe e están a expoñer o seu traballo na exposición colectiva Freshmadrid. Atópanse en fase de construción dúas obras súas: o Ecobulevar de Vallecas e o Museo de Meteoroloxía do Parque do Retiro de Madrid.

O obradoiro Terapia urbana. Arquitectura sustentábel? está limitado a vinte prazas, que foron superadas amplamente pola demanda. A xente inscrita traballará de xeito interdisciplinar segundo as súas preocupacións e motivacións sobre a cidade.