Dous novos cursos no Conservatorio de Folque de Lalín
O sábado 10 arrancan no Conservatorio de música folque de Lalín dous monográficos. O primeiro deles, que durará unha soa xornada, será o curso de Danzas do mundo, mentres que o outro, que se desenvolverá até o mes de xuño, estará dedicado ao violín tradicional.
Monográfico de violín tradicional
O monográfico de danza vaino impartir a musicoterapeuta e bailadora Beatriz Díaz. Desenvolverase en xornada partida, de 11 a 14 horas e de 17 a 20, e permitiralles aos alumnos aprender bailes de distintas partes do mundo. O custo da matrícula é de 40 euros.
O outro curso, de violín tradicional, de Oslo a Compostela, durará catro meses e impartirao Quin Farinha, que foi membro de Berrogüetto, Talabarte Trío, a Banda das Crechas e Sol de Farofa. Durante o monográfico estudarase un amplo repretorio de violín tradicional ao longo de Europa. O prezo da matrícula será de 50 euros ao mes, e as clases, individuais.
Ligazóns
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto