Vieiros

A sala Nasa de Compostela presenta a arriscada proposta de Cabo San Roque, grupo musical barcelonés que emprega materiais reciclados para facer música ao ritmo dunha lavadora. O espectáculo comeza ás dez da noite. Na mesma cidade, no Malas Pécoras estarán O Leo i Arremecághona e mais o seu irmán espurio O Leio, a voces ceibes. A actuación, que forma parte da xira E aghomita!, comeza ás dez e media. Mentres, en Culleredo, 96 grados tocará no Forum Celticum.

E, dentro da Rede Galega de Música ao Vivo, a partir das once o funk-mestizaxe de The Sweat! chega ao club Clavicémbalo, de Lugo; Diego Massimini tocará no pub Garufa, da Coruña, e Zumbido no pub D"Antón, da Laracha. Media hora máis tarde, Aguardiente Swing comeza a súa actuación na Fragua de Redondela, e Xoán Curiel no café teatro Xesteira de Ourense.