Edición xeral
O xuízo do 11M debulla desde este xoves a trama islamista
Todos os medios internacionais, e mais o Observatorio Mundial contra o Terrorismo, sinalaron ao longo do xoves 11 de marzo de 2004 que a autoría do atentado apuntaba claramente a grupos islámicos. As probas posteriores confirmaron esa autoría, aínda que paradoxalmente, coa complicidade dalgúns medios de comunicación, o PP insiste nas insinuacións sobre a implicación da ETA. A Audiencia Nacional é escenario desde este xoves do xuízo polo atentado islamista máis grave acontecido na Unión Europea.
Vinte persoas, de orixe marroquí, siria, arxelina, libanesa e exipcia, afrontarán neste proceso xudicial a petición de elevadas penas de cárcere pola súa presunta implicación directa nos ataques en Madrid o 11 de marzo de 2004. Ademais, tamén hai petición de fortes condenas para os nove españois que presuntamente lles facilitaron os explosivos que causaron o masacre.
O tipo de obxectivo, o modus operandi, as ameazas recibidas despois da participación española na guerra de Iraq, a actividade probada de comandos vencellados a Al Qaeda na Península... Foron datos que nos primeiros momentos xa apuntaban que a autoría do ataque non lle correspondía á ETA senón a grupos islamistas. A teima do goberno español, daquela con José María Aznar á fronte, de atribuírenlle a responsabilidade no asasinato desas duascentas persoas á ETA orixinou un dos máis graves casos de bloqueo desde a administración á transparencia informativa.
Poden ver o resumo de como seguiu Vieiros os acontecementos daqueles días no escáner Quen cometeu os atentados de Madrid?
Foto de Grafitti: Ángel Cachón
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto