Vieiros

Tras a confirmación no cargo de Fernando Vázquez como adestrador do Celta, a páxina oficial do conxunto vigués publica as primeiras declaracións do técnico galego, horas despois da reunión mantida polo Consello de Administración do club. "Pido a todo o celtismo que esteamos unidos para concentrármonos nun único afán: sacar o Celta desta situación", sinala Vázquez, quen engade que "o referendo unánime e categórico do Consello de Administración é un excelente punto de partida para desenvolver un traballo sen presións e sen polémicas". Poden consultar as declaracións ao completo na web do Celta de Vigo.