Vieiros

Emilio Pérez Touriño explicou que a Xunta depositou a súa confianza nos sindicatos e no empresariado pola súa convicción de que os grandes retos do país se deben tratar de xeito compartido. O documento abrangue tres leis, o novo Servizo Público de Emprego, o novo modelo de formación, a responsabilidade social das empresas, a representación institucional de empresarios e sindicatos, o modelo de seguridade laboral, os obxectivos e medidas para o emprego nos próximos anos e o marco de negociación colectiva en Galiza.

Así mesmo, o xefe do executivo anunciou que non se tolerarán os riscos no traballo, para poder reducir a sinistralidade a niveis mínimos. O obxectivo é conseguir a converxencia do noso mercado de traballo co de Europa segundo as pautas marcadas no Cumio de Lisboa. Para lograr a implicación dos axentes sociais na vida económica e social aprobarase a Lei de participación institucional. Ademais, prevese aprobar unha nova Lei reguladora do Consello Galego de Relacións Laborais, que reforzará papel do máximo órgano consultivo da Xunta no eido do traballo.

Segundo Touriño, a sinatura do acordo chega nun momento "oportuno", cunha situación sociolaboral que cualificou de "francamente positiva", coa redución do paro e o descenso da sinistralidade. Marcouse como próximo reto seguir a impulsar o diálogo social.