Vieiros

A Vía do Salnés fora inaugurada no verán do 1993, e por ela pasan uns 15.000 vehículos ao ano. Os tubos de aceiro galvanizado cos que está construída quedaran obsoletos, provocando o afundimento no outono pasado, na época de fortes choivas. Decidiuse, daquela, pechar tanto o treito PO-531 (Barro)-Ribadumia (7,5 quilómetros), durante unhas seis semanas, para substituír nove tubos, como o Ribadumia-Sanxenxo (10 quilómetros). O prognóstico para o peche deste tramo era de cinco meses, para substituír quince tubos.

María Xosé Caride sinalou que actualmente está xa rematada a substitución de oito tubos no treito entre Ribadumia e Sanxenxo. Nestes puntos só falta por aplicar o aglomerado, un proceso que terá que agardar para permitir o paso de maquinaria de obra. Xa foran susbtituídos seis con urxencia no primeiro treito, entre a PO-531 ecando poidan ser Ribadumia. Nesta visita, a conselleira de Política Territorial avanzou que o corte ao tráfico neste primeiro treito da vía, necesario para substituír os tubos que faltan, iniciarase previsibelmente o vindeiro martes 6 de febreiro. Dende entón, durante seis semanas, serán substituídas "todas as Obras de Drenaxe Transversal pendentes e algunha sobre a que se actuou de forma preventiva". O inicio dos traballos neste primeiro treito retrasárase para evitar que coincidise co período vacacional do Nadal.