Vieiros

O "Manual para os Tribunais Militares" presentado polo departamento de Defensa estadounidense espertou a indignación nos colectivos en defensa das liberdades civís. Co obxectivo principal de favorecer a súa teima en condenar a maioría de presos que actualmente retén en Guantánamo o Pentágono propón que os fiscais militares teñan permiso para presentar confesións obtidas "baixo coacción" aos detidos, e mesmo que se consideren probas as palabras de alguén que fale do que lle oíu dicir a outra persoa sobre o acusado, testemuño de "oídas" inadmisíbel nos tribunais civís. O novo repartimento de poder nas cámaras estadounidenses facilitaría que o Partido Demócrata frease estas intencións. Máis no Washington Post.

• Medio milleiro de persoas aínda retidas sen xuízo en Guantánamo