Edición xeral
A Media Lúa Vermella alerta dunha "gran fame inminente" no Sáhara Occidental
A Media Lúa Vermella do Sahara acaba de lanzar unha mensaxe de SOS aos gobernos da comunidade internacional e á sociedade en xeral, "solicitando axuda inmediata para os refuxiados saharauís coa fin de evitar unha gran fame extrema que pode resultar inminente". O organismo humanitario advertiu de que a saúde de milleiros de refuxiados deteriorouse alarmatemente nos últimos meses. A porcentaxe de anemia verase aumentada criticamente en nenos, en mulleres embarazadas e nas que están en periodo de lactancia, se nun prazo moi breve non chegan novas axudas.
A organización humanitaria agradeceu á Media Lúa Vermella de Arxelia e ao Goberno deste país e do resto dos estados donantes (o español, entre eles) as doazóns feitas durante o último período, que permitiron evitar o desenlace da dramática situación até o momento.
Porén, a reserva de seguridade da que dispoñen nos campos de refuxiados esgotouse en outubro de 2006. "As aportacións recibidas até o de agora non chegan para cubrir o mínimo das necesidades esenciais de miles de mulleres e de nenos, que dependen case por completo da axuda humanitaria internacional", segundo informa o comunicado da Media Lúa/Cruz Vermella Saharauí. O número de casos de malnutrición aumentou entre os máis novos, e "a gran fame é inminente", advirten.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto