Vieiros

Non conseguir o obxectivo de salvar a curto prazo o proxecto de Constitución Europea sería "un fracaso histórico", en opinión de Angela Merkel, á fronte da presidencia de quenda da Unión Europea. A chanceleresa alemá indicou que o desafío debe completarse antes das próximas eleccións europeas de 2009. Cara a esa meta Alemaña deseñou un proceso para o que xa recibiu o apoio de Portugal e Eslovenia, que asumirán o liderado da UE dos dous semestres seguintes, e no que deste xeito se convirte no primeiro programa conxunto elaborado para ano e medio. O camiño até a EuroConstitución quere relanzarse en xuño, agardando pola resolución das próximas eleccións francesas. A candidata socialista Ségolène Royal, afirmou ser favorábel a que os franceses voten en referendo un novo texto en 2009.

• A Europa que queremos, especial de Vieiros