Edición xeral
Os analistas prevén que o prezo da vivenda suba un 8% en 2007
Acceder a unha vivenda será un pouco máis difícil no vindeiro ano. Os expertos consideran que o prezo dos inmobles experimentará unha suba dun 8%. Os datos confirman unha certa desaceleración do bum inmobiliario aínda que o incremento vai ser sensibelmente maior ca o do IPC. Segundo os analistas consultados por Europa Press, agárdase que en 2008 e 2009 as subas sexan inferiores ás de 2007, entre un 5 e un 6%. Mentres tanto, a Plataforma por Unha Vivenda Digna pidelle ao goberno medidas urxentes para acabar coa "dramática situación" que viven os que queren acceder a un fogar.
O sector inmobiliario no Estado español comeza a dar sinais esperanzadores. Por primeira vez en moitos anos a suba que se agarda na vivenda é inferior ao 10%. Aínda así, os prezos continúan a poñer en serios apretos a aqueles que queren ter un fogar propio. A Plataforma por Unha Vivenda Digna constata unha maior preocupación na sociedade pola carestía dos pisos. Logo de que milleiros de persoas saíran ás rúas o pasado día 23, o colectivo demanda pasos decididos do goberno central para pórlle couto á especulación urbanística. Esixen que os prezos dos fogares sexan acordes aos salarios dos traballadores.
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto