Edición xeral
O Parlamento canadense aproba que o Quebec "é unha nación"
O Partido Conservador, actualmente no goberno, a maioría do Partido Liberal, o independentista Bloque Quebequés e os socialdemócratas do NDP, sumaron 266 votos a favor fronte a 16 en contra, aprobando a moción que recoñece que os quebequeses "forman unha nación dentro do Canadá". Segundo o primeiro ministro, Stephen Harper, o recoñecemento era necesario para responder ás demandas quebequesas, que no último referendo ao respecto estiveron a escasas décimas de aprobar a independencia para a rexión.
Os independentistas tentaron a última hora, aínda que sen éxito, que se aprobase outra moción que expresaba que o Quebec é unha nación que "actualmente" forma parte do Canadá. Con todo, o seu líder, Gilles Duceppe, asegurou que o texto aceptado polos parlamentarios é un chanzo decisivo nas aspiracións do seu partido.
O debate destes días creou importantes tensións políticas no Canadá. No propio partido gobernante, a sorpresiva iniciativa do primeiro ministro foi recibida con desigual aceptación por non ter sido debatida antes internamente, e o ministro de Asuntos Intergubernamentais, Michael Chong, presentou a súa dimisión antes da votación. O tirapuxa tamén se produciu no principal partido da oposición, onde deputados escollidos no propio Quebec se amosaban máis favorábeis a votar en favor do texto.
- O goberno canadense acepta definir o Quebec como "nación"
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto