Vieiros

"Estamos desconcertados e profundamente molestos pola noticia de controis abusivos e focalizados cara ao presidente e a súa familia, ademais de a outras figuras institucionais e cidadáns aos que se lles observou a vida de forma indecente para revelar irregularidades que, no caso de Prodi e a súa muller foron inútiles". Afirmouno así Silvio Sircana, voceiro gubernamental italiano, confirmando as informacións do ministerio de Economía que revelaron que o executivo Berlusconi facilitou durante os pasados dous anos a espionaxe ilegal das contas de membros do actual goberno, así como doutros políticos, artistas e mesmo deportistas. A fiscalía investiga xa este novo escándalo no escenario político italiano. Máis en La Repúbblica e Il Corriere.