Está Reganosa fóra da lei?
O Comité Cidadán de Emerxencia vén de sinalar novamente a existencia de irregularidades no proxecto de construción da pranta de Reganosa, en Mugardos. Segundo esta entidade, as obras da regasificadora están fóra da lei atendendo a dúas sentenzas do Tribunal Superior de Xustiza de Galiza, de xuño de 2004 e xuño de 2006. Esta última, que anula por segunda vez o procedemento de tramitación ambiental seguido pola empresa, poderá ser recurrida ata o vindeiro 12 de setembro. O Comité Cidadán solicita agora que a Consellaría de Medio Ambiente -demandada na devandita sentenza- non presente recurso algún perante o Tribunal Supremo.
Segundo apuntan dende o Comité Cidadán de Emerxencia para a ría de Ferrol, o proxecto de Reganosa e as súas obras son ilegais. Así o determinarían dúas sentenzas do TSXG, de xuño de 2004 e 27 de xuño de 2006. A segunda delas anula por segunda vez o procedemento de tramitación ambiental seguido pola empresa, que está a instalar unha pranta de gas en Mugardos. Na devandita sentenza resulta demandada a Consellaría de Medio ambiente, resultando codemandada a propia Reganosa.
O día 12 de setembro dará remate o prazo establecido para a presentación de alegacións á sentenza de 2006. Atendendo a estes feitos, o Comité Cidadán quere facer público que ten solicitado á Xunta de Galicia que a Consellaría de Medio ambiente non presente recurso algún á mesma.
A este respecto, a avogada que representa ao colectivo, Patricia Gabeiras, fai unha chemada á reflexión para que o actual goberno da Xunta revise o que "ten herdado no caso Reganosa".
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto