Vieiros

Nesta primeira xornada, foron seis as franquicias participantes con palanadores que percorreron centos de quilómetros para estar na estrea da Superliga. O público abarrotou as bancadas neste comezo de tempada no que se elixía aos xogadores que desputarán a Serie A e a Serie B.

Palanadores dos Fanecas Bravas, Bíteres, Sporting Billardeiro, EkipA SaFaRi, os Tronos do Masma e os Garañóns de Corneiría participaron nesta xornada inaugural que deu comezo oficialmente cun espectacular berro de María Xosé Rodríguez no programa ‘Máis Berberechos’ da Radio Galega.

Como sempre, a canle oficial do campionato, Tele Varal, estivo presente nos enfrontamentos. Os micros dos reporteiros recolleron as declaracións das dúas estrelas debutantes, Xosé e Aitor chegados desde Avilés e Vigo respectivamente.