Vieiros

Francisco Fernández Naval, Camilo Franco e Afonso Costa visitan nestes momentos os centros terapéuticos tradicionais de Maiahi (Níxer), onde os nenos son sometidos a un plan de recuperación intensiva -a base de leite enriquecido- dun mes de duración, que decide o seu traslado -ou non- aos centros nutricionais de Acción Contra a Fame, a oenegué que organiza a viaxe dentro da súa campaña Racha co silencio. A recuperación alí pode prolongarse até seis meses. Os galegos terán tempo para visualizar algunhas das experiencias estremas do Níxer: 46 anos de esperanza de vida e taxas do 131 e o 34% se falamos de mortalidade infantil e malnutrición. O delegado de Accción Contra a Fame en Galiza, Pepe Esteller, sinalou que o obxectivo se substanciará á volta: charlas, coloquios, unha exposición de Costas para colleitar fondos e un libro-catálogo con textos de Franco e Naval e ilustracións do pintor. Editará Xerais.