Vieiros

Os concellos de Barcelona e Lleida, os xornais Vilaweb e Avui ou o Fútbol Clube Barcelona están entre os tres milleiros de entidades que aproveitaron o primeiro prazo para reservaren os seus nomes de dominio en internet con sufixo .cat, a maioría xa activos. Lembrámoslles que esta fase inicial reservouse a institucións directamente vencelladas coa promoción da lingua e cultura catalás, incluíndo a medios e clubes deportivos. Desde este mesmo luns ábrese o rexistro a entidades xurídicas que xa fagan comunicación en lingua catalá e desde o día 27 poderán reservar enderezo as 68 mil persoas e colectivos que asinaran a campaña de apoio ao dominio.

• A web oficial de Maragall é a primeira institucional baixo o .cat
• Comezan a rexistrarse os primeiros .cat