Vieiros

O aínda alcalde da Coruña, Francisco Vázquez, vén de confirmar que tomará posesión do seu cargo como embaixador de España ante a santa sé a comezos de abril. O martes 21 presentará a súa demisión como presidente da Federación Española de Concellos e Provincias (FEMP), cargo no que será substituído polo alcalde de Palencia, Heliodoro Gallego. No que atinxe á súa vacante no Senado, Javier Losada -o actual concellal de Urbanismo coruñés, que o substituirá na alcaldía até as eleccións- ocupará o seu lugar. Vázquez dixo que os actos que lle quedan como alcalde da Coruña, coma o do mércores con Fraga Iribarne, han ter "unha forte carga emotiva".

• Anterior: O "caso Vázquez" acelera a revisión das irregularidades no negocio eólico e hidroeléctrico
• No escáner:Vázquez ao Vaticano: premio ou castigo?
• En Galego.org: Marcha Vázquez, pero La Coruña non marcha