Vieiros

Nunhas eleccións presidenciais que teñen nesta primeira volta até seis candidatos diferentes, o rebumbio interneteiro para apoiar uns e outros non pode estar máis animado. Os blogueiros estanse aplicando a fondo no seguimento da campaña electoral e manifestando abertamente as súas filias e fobias. A maioría destas últimas son para Cavaco Silva, que por máis que queira achegarse á mocidade, non dá colleitado as súas simpatías, e así moitos blogs de referencia como Renas e Veados levan estes días un báner que pon Stop Cavaco e que en moitos casos levan a esta páxina. Manuel Alegre, o segundo (moi por abaixo) na pugna electoral é tamén o seguinte en seguimento blogueiro, aínda que o trato maioritario é a favor. Tamén os hai quen non están a favor de ningún e mesmo quen inventa un candidato estraño pero "honesto".