Vieiros

Os resultados desta consulta axudarán á CE a determinar o mellor xeito de deter a perda de biodiversidade (a variedade de vida sobre a terra, expresada como ecosistemas, especies e xenes) na Unión Europea (UE) e no resto do mundo cara ao ano 2010.

Para iso, propón un cuestionario que suxire medidas, que deberán valorar os participantes, como a protección de lugares e especies en perigo, a conservación e restauración dos medios marítimo e forestal, a redución do "impacto invasor" de especies foráneas, así como a integración das preocupacións relacionadas coa biodiversidade na política comunitaria.

A CE tamén propón accións para regular as relacións da UE con terceiros países, tales como o reforzo da cooperación en materias económicas e de desenvolvemento.

Outras propostas son a creación dun marco institucional que permita lograr os obxectivos suscitados e elevar a conciencia e o compromiso público ou o establecemento de asociacións para a valoración, o seguimiento e a investigación.

Os participantes deberán evaluar todas estas propostas e sinalar aquelas medidas importantes que consideren que faltan na lista proposta pola Comisión Europea.

Ademais, todos os encuestados terán que valorar a importancia da biodiversidade en relación coa nosa prosperidad, seguridade e calidade de vida.