Vieiros

O ministro Arias Salgado dixo onte no decurso da súa intervención no debate con Carlos Príncipe, que o falso túnel da Madroa no tramo das obras comprehendidas entre Rande e Puxeiros, permañecerá nos pouco máis de 400 metros con que está previsto realiza-lo, en lugar dos 800 que solicita non só a oposición municipal do concello, senon moitos colectivos cidadáns encabezados pola Xunta de Montes da zona afectada. Carlos Príncipe dixo na súa intervención, que con esta obra se incumpren os próprios criterios e compromisos do goberno de Aznar, xa que o Ministerio de Medioambente elabourou un informe no que se afirma que o falso túnel debería ter unha lonxitude dobre da que na actualidade está previsto realizar. Todo elo, debido a que a trincheira máxima prevista en orixe que é de 20 a 30 metros, pasou a ter coas obras 50 metros de lonxitude. O senador socialista que defendía unha iniciativa para variar a lonxitude do túnel, acusou na súa intervención ó Ministerio de Fomento de marxinar a Vigo facendo que no caso da Madroa, primen os criterios económicos sobre os do medioambente.