Vieiros

Ademais de telo confundido cun presunto terrorista sucidida, os axentes de Scotland Yard que o pasado mes de xullo asasinaron ao cidadán brasileiro Charles de Menezes, que ía sentado no metro londinense, empregaron nesa acción proxectís prohibidos internacionalmente. Segundo publicou este mércores The Daily Telegraph, a munición utilizada era do tipo dum-dum, que tén a punta furada e fai estoupar a parte interna unha vez que entra no corpo da vítima, causándolle danos moito maiores que calquera outro proxectil. A Convención de Xenebra prohibiu internacionalmente o seu uso.