Vieiros

O permiso para que as gravacións de conversas telefónicas poidan ser usadas coma probas nos xuízos ou a extensión do período durante o que un sospeitoso pode ser retido polas autoridades aínda sen existiren cargos contra el, están na cima das propostas que previsíbelmente van acordar os partidos británicos nos próximos días. Blair tén este mesmo martes unha reunión cos tories e cos liberais-demócratas para falar do asunto. No caso das detencións sen cargos, a policía xa ten permitido na actualidade reter a calquera persoa por espazo de dúas semanas e a reforma podería estender ese período aos tres meses.

Ao tempo, partidos da ultradereita, coma a Fronte Nacional ou o Partido Nacional Británico, aproveitan a situación para lanzar mensaxes contra os extranxeiros, pide a expulsión de todo non europeo do país e usan fotografías das vítimas das bombas na súa propaganda.

Mentres, o goberno británico di estudar a indemnización á familia de Jean-Charles de Menezes, que desarmado, e presuntamente confundido cun terrorista, foi deitado no chan dun vagón do metro de Londres onde a policía lle pegou oito tiros, sete deles na cabeza, sen preguntar ou confirmar a súa identidade.