Vieiros

Témoslles contado hai meses do seguemento da situación que trimestralmente realiza o Observatorio Xove da Vivenda, do Consello da Xuventude: un mozo galego precisa o 40% do seu salario para acceder a unha vivenda. Paradoxalmente, a cifra amosa un requerimento económico menor ao que teñen que afrontar os mozos doutras partes do Estado. Xa que logo, o Observatorio subliña a existencia doutros condicionantes para a mala situación galega: a baixa porcentaxe de ocupación entre os mozos (só un 57,7%) ou a reducida contratación indefinida (un 24,1%), son obstáculos fundamentais para que a mocidade galega, que sofre a terceira taxa de paro máis alta, poida deixar a casa dos pais.

Menos do 40% dos galegos de entre 30 e 34 anos asinou un contrato de traballo indefinido, e o 15% nese mesmo treito de idade está no paro. Ao tempo, só o 17,3% dos mozos desa idade conseguiron acceder a unha vivenda propia bo último trimestre estudiado. Por baixo dos trinta anos, todos os indicadores son aínda peores.