"Xa tomáramos a decisión de retirarnos e temos fabricado armas nucleares para facerlle fronte á política a cada paso máis evidente da administración Bush de illar e esmagar", comunicou o ministerio de Exteriores de Corea do Norte. Suspende así o asomo de colaboración cara o "tratado de non proliferación nuclear", paraliza "por un período indefinido" as negociacións cos EEUU, Rusia, Xapón, China e Corea do Sur e recoñece por vez primeira estar en posesión de armamento atómico. Corea do Norte vén aparecendo nos recentes discursos de Bush e da secretaria de Estado USA, Condoleezza Rice, dentro dos países considerados coma "o eixo do mal".