Edición xeral
Amnistía pide "verdade, xustiza e reparación" para as vítimas da violencia en Colombia
"O Estado colombiano debe asegurar que os autores de crimes de lesa humanidade e crimes de guerra, entre eles a violación de mulleres e nenas, sexan levados fronte á xustiza e garantir que non se volverán producir". Cando menos 70 mil personas perderon a vida, a maioría civís e máis de tres millóns de persoas foron desprazadas dos seus fogares en Colombia nos últimos vinte anos. Fronte á próxima visita do presidente colombiano, Amnistía Internacional lanza unha campaña que inclúe o envío de cartas ao presidente do goberno español para que presione a prol do cumprimento das resolucións de Nacións Unidas en Colombia.
Só dende o ano 2000, máis de dez mil persoas foron secuestradas, a metade pola guerrilla ou os paramilitares, denuncia Amnistía, e dous milleiros desapareceron en accións responsabilidade dos paramilitares, que a miudo, segundo advirten os colectivos humanitarios, "actúan en connivencia coas forzas de seguridade".
Durante o 2004 máis de 200 mil persoas tiveron que fuxir dos seus fogares e as forzas de seguridade colombianas detiveron "de xeito arbitrario" a centos de civís. Amnistía denuncia "a impunidade da que gozan os responsábeis de violacións e abusos contra os dereitos humanos" en Colombia. Amnistía denuncia especialmente a violencia sexual contra mulleres e nenas que "forma parte integrante dos 40 anos de conflito armado de Colombia" e advirte das probas e testemuñas que neste tempo ten presentado para avalar "que é unha práctica xeneralizada".
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto