Edición xeral
FMI: 60 anos de viaxe a ningures
Dende que nos anos oitenta o FMI asumiu un papel central para o mundo en desenvolvemento, deterioraronse as condicións de vida das maiorías pobres e as súas expectativas futuras. Con motivo da visita de Rodrigo Rato a Madrid para unha conferencia de conmemoración sobre os acordos de creación de FMI e Banco Mundial, os colectivos Intermón-Oxfam e Cáritas aproveitaron para lanzar unha campaña a prol dun cambio de rumbo na actividade do Fondo Monetario Internacional.
"Non hai nada que celebrar cando 60 anos despois dos acordos de Bretton Woods, a desigualidade, a pobreza e a desesperanza aumentaron no mundo en desenvolvemento e seguen castigando ás maiorías pobres do noso planeta. Non é momento de celebracións. Hai que revisar a fondo o traballo do FMI para transformar profundamente o seu papel no desenvolvemento e a orientación das súas actividades". Son palabras de Marta Arias, do departamento de Campañas e estudios de Intermón Oxfam.
Os colectivos humanitarios critican o papel do FMI nas últimas décadas, culpándoo de aumentar a fenda entre pobres e ricos no canto de axudar a superala. "Sabémolo porque traballamos cada día con millóns de persoas para mudar esta realidade e comprobamos como as políticas do FMI operan con demadiada frecuencia no sentido oposto", afirmou Jaime Atienza, do equipo de análise de Cáritas durante a presentación da campaña.
Dende a rede poden enviarlle a Rodigo Rato, novo presidente do organismo internacional, unha carta pedíndolle que contribúa a mudar o rumbo do FMI.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto