Vieiros

Contámoslles no seu día da significativa suba de soldos que Ramón Rodríguez Ares estableceu para o seu propio cargo de alcalde e os seus concelleiros logo de recuperar o poder local. Agora, o BNG vén de criticar o pago mensual de 2.100 euros ao responsábel do gabinete de prensa do concello, retribución que consideran "desproporcionada, inxustificada e irregular" e acusan a Ares de querer "publicitar a xestión de goberno agochando a súa incapacidade". Ao tempo, Elena Ramallo, de URG, denunciou que o expediente de expulsión que o PP lle abriu ao Moncho logo da moción de censura se está amosando un simple "paripé".