Vieiros

O Ministerio do Interior negou que recibise comunicación dun grupo islámico reivindicando a autoría dos atentados. O propio ministro Acebes, malia non confirmar nada ata que haxa datos concretos da investigación do material usado, recoñeceu que todo apunta á responsabilidade de ETA. Por outro lado, o voceiro da ilegalizada Batasuna, Arnaldo Otegi, declarou a unha emisora de Donosti que non pensa "nin coma hipótese" que as bombas fosen postas por ETA, e aventurou a posibilidade de que por detrás do ataque estean "sectores da resistencia árabe". Otegi amosou un "absoluto rexeitamento" ao atentado e a súa "solidariedade coas vítimas". O xornal Gara nega as teorías do ministerio.