Vieiros

Fieis irreductibeis á súa propia relixión informática, os usuarios das computadoras de Apple a miúdo non topan algúns programas e utilidades das que gozan os adictos ao monopolio PC. Contámoslles desta volta dalgunhas webs útiles para a comunidade: a nova MacShareware, Freewaremac, Mac.org ou o directorio Todo Mac. Se andan cavilando en mudar de credo poden botarlle un ollo a dous clásicos da apoloxía mac-adicta: as cen razóns da compañía da mazá para optar por eles ou o estudio que describe aos usuarios Mac coma sofisticados, con cartos, moi formados e creativos…