Vieiros

No ano 1975, o goberno etíope nacionalizou a empresa Elidco, daquela propiedade da suíza Schweisfurth á que logo mercaría Nestlé. Agora, Nestlé anunciou que seguirá adiante na reclamación xudicial a Etiopía de 6 millóns de dólares en compensación. Malia todo, logo da presión social ao coñecerse o pleito, e o asolagamento do seu servidor por milleiros de correos electrónicos de indignación, vén de coñecerse a decisión da multinacional de reinvestir os cartos en proxectos de axuda humanitaria se gaña o pleito. Intermon Oxfam, asociación que fixo público o asunto, repróchalle que non se retire do caso.