Vieiros

Gil Sotres, asegurou que o concello vigués traballaba contra reloxio para evitar a suba no recibo da auga que podería verse xa no próximo recibo do mes de marzo. Gil Sotres, dixo que o concello non tiña aínda recibidos os cartos que a Xunta de Galicia destiñaría para facerse carrego da Depuradora. A pesares destas declaracións, o Director Xeral de Obras Públicas, Agustín Hernández, insiste en que o problema non é da Xunta sinon do alcalde vigués. Segundo Hernández, a Xunta aprobou xa a subvención para a Depuradora o pasado día 5 de febreiro e, tamén redactou o convenio para facer efectiva esta transferencia de cartos, cun primeiro pago de 90 millóns no mes de marzo e de 60 millóns, nun segundo prazo no mes de abril. Manuel Pérez, non ten asinado o convenio que segundo o Director Xeral de Obras Públicas, se atopa no concello vigués, desde o pasado día 9 de febreiro. A sinatura deste convenio por parte do alcalde, aportaría dun xeito automático o traspaso ó concello dos 90 primeiros millóns de pesetas cos que a Xunta, ten previsto subvencionar o coste da depuradora do río Lagares. Desta maneira, evitariase a suba do recibo da auga nun 13%. Agustín Hernández, dixo non entender a actitude do alcalde vigués xa que "a Xunta cumpriu o compromiso adquirido, pero non pode entrega-los cartos, porque o concello leva case un mes demorando a asinatura para que lle sexan entregados". Si Manuel Pérez, asinase hoxe o convenio nun día ou dous, dixo, o concello teria os cartos.