Vieiros

Traducir é, entón, un risco, sempre; é tamén unha decision ética que tomamos, porque como traductores a nosa versión da realidade textual é a que cruza océanos xeográficos e lingüísticos para caer nas mans e nos corazóns de xentes moitas veces sen información previa sobre a obra ou o autor. E, ¿a quen traducimos e a quen non?

Non é preciso nen posible representar todos os aspectos da traducción en relación coa lingua galega. Hai algúns que traducen, ou din traducir, do portugués ao galego, outros do galego ao castelán, e outros do galego ao galego. Todos estes procesos teñen unha carga ideolóxica. Por outra banda, hai algúns que insisten que é importante traducir as obras clásicas á lingua de Galicia. Outros afirman que o máis importante é termos literatura infantil en galego para que haxa lectores –e futuros escritores– dende o comezo.

Cecais o máis importante neste intre é mantermos o debate aberto e vivo. Que os traductores declararen os seus principios e procesos de traballo é outro xeito de entendermos todos por qué, a quén e cómo se traduce, sexa a lingua galega o ponto de partida ou o ponto de chegada.