Fun ás enciclopedias documentarme e axiña din cunha razón que me convenceu: a EGU garda moitos parecidos coa Encyclopédie francesa. En ambas as dúas existe unha marcada esencia ideolóxica baseada na fe absoluta da súa transcendencia social, por riba de consideracións pecuniais; as dúas aparecen en momentos historicamente "interesantes" social, política e industrialmente (en Galicia, a pesar dos pesimistas); e as dúas superaron momentos de crise, de tesourería, a ausencia de apoio institucional, incluso actitudes cainitas, que loan e compran con máis facilidade outros proxectos espurios.
Paulino Novo |
|
